محکمہ موسمیات کی پیش گوئی، ربیع الاول کا آغاز 15 اگست سے ہونے کا امکان

 اسلام آباد: پاکستان محکمہ موسمیات (پی ایم ڈی) نے پیش گوئی کی ہے کہ یکم ربیع الاول 1448 ہجری کا آغاز ہفتہ، 15 اگست کو ہونے کا امکان ہے، کیونکہ 13 اگست کی شام چاند نظر آنے کی توقع نہیں۔

محکمہ موسمیات کے فلکیاتی حسابات کے مطابق 12 ربیع الاول، جو عید میلاد النبی ﷺ کے طور پر منائی جاتی ہے، بدھ، 26 اگست کو ہونے کی توقع ہے۔

پی ایم ڈی کے مطابق 13 اگست کو ملک کے بیشتر علاقوں میں موسم جزوی طور پر ابر آلود رہنے کا امکان ہے، جس کے باعث چاند نظر آنے کے امکانات نہایت کم ہیں۔

تاہم، مرکزی رویت ہلال کمیٹی ملک بھر سے موصول ہونے والی شہادتوں اور چاند دیکھنے کی اطلاعات کا جائزہ لینے کے بعد نئے اسلامی مہینے کے آغاز کا حتمی اعلان کرے گی۔